writer1

Səhər Əhməd

Məqalə sayı

157
clock11:33 calendar-gray 30 Aprel 2019 view-gray476 dəfə oxunub
view-gray476 dəfə oxunub

Bacımın qorxunc VatsApp zəngi

Kulis.az Səhər Əhmədin “Düzünü de, mənə nəsə olub?” yazısını təqdim edir.

Zəng gələndə mən dərin bir yuxunun içində naməlum bir obyektlə (əzrayıl da ola bilərdi) ölüm-dirim savaşındaydım. VatsApp zəngi məni lap vaxtında xilas elədi.

Yerimdən dik atılıb həyatla yuxu arasında telefonu əlimə aldım. Ekranda zəng edən adamın şəkli görünürdü, qəribəsi də o idi ki, şəkildəki mən idim, özüm öz üzümə baxıb qıcıq bir təbəssümlə gülülümsəyirdim.

Lənət şeytana, gözlərimi silib ada baxdım, məni şəklimin altında “bacı”yazılmışdı.

Bu müddət ərzində bir az da ayıldım və anladım ki, özüm-özümə zəng eləmirəm, sadəcə olaraq, bacım VatsApp profilinə mənim şəklimi qoyub. Bu, məni rahatlatmaq əvəzinə bir az da çaşdırdı.

Zəng çalmaqda olsun, bu yerdə mən zəruri bir haşiyəyə çıxıb, bəzi şeylər deyim.

Bacım ailəmizin ən diqqətlisidir. Uşaqlıqdan hamının doğum gününü məndən də, qardaşlarımdan da tez xatırlayırdı. Sonra bura toy, nişan günləri əlavə olundu, daha sonra ölüm ildönümləri. Əvvəllər zəng edib xatırladırdı, “bax bu gün filankəsin filan günüdür ha, zəng eləməyi unutma”. Bəzən gün boyu bu xəbərdarlığı da unudurdum. VatsApp zühur edəndən sonra zəngə ehtiyac qalmayıb. Sabah kimin ad günü, toy günü, ölüm günüdürsə, gecədən şəkli onun profilindədir, mən artıq şəkilləri görən kimi məsələni anlamaq mərhələsinə qədər inkişaf eləmişəm.

Ona görə də, indi qorxulu yuxudan hövlnak oyanmış yazıq canım ekranda öz şəklimi görəndə bir az da diksindi. Doğrudanmı, mənim ad günüm idi? Yox, başımı silkələyib düşündüm, “mənim ad günüm, deyəsən axı, gələn ay olmalıdı. Bəs onda nə olub, bəlkə heç bayaq gördüyüm də yuxu deyildi, bəlkə, ölmüşəm, üçüm, yeddim-zaddı, xəbərim yoxdu?”

Ozan dili yüyrək olar, axır ki barmağımı telefonun ekranında sürüşdürüb zəngi cavabladım.

- Düzünü de, mənə nəsə olub?

- Ha, ha! Heç nə olmayıb, qorxma, bayaq zəng eləmişdim, bir az başın ağrıyırdı, dərsdən gəlmişdin, yatmağa hazırlaşırdın...

- Dəqiq?

- Hə, vallah, heç təzyiqin də yox idi, sadəcə yorğun idin.

- Bəs onda bu şoğərib şəklimi niyə profil eləmisən?

- Heç, o gün statusa şeirini qoymuşdum, şəklini də profilə qoydum.

- Bu, müsbət şeydi, deməli, xüsusi gün olmayanda da belə şey mümkündür?

- Hə, bu şəkildə xoşuma gəlirsən, elə bil bacımsan...

- Allah ikisini də öldürsün, bacını da, Hitleri də, ürəyim düşdü.

- Üç gündü o şəkil ordadı e, ablacım, deməli, ölsən, özün üç gün sonra xəbər tutarsan.

- Neyniyim e, məni də allah belə yaradıb də, sənin qohumlarının günlərini yadımda saxlamaq zorundayam?

- O birilər heç, bircə bacım var, onunla işin olmasın.

- VatsApp camiəsində nə xəbər? Qohumlar neyniyir? Kim əriylə dalaşıb, kim baldızına söz soxub, kim sevgilisinə yanıq verir?

- Vallah, sənə qıymaram e, uzun söhbətdir, gərək sazla deyəm.

- Səxavətini görürəm, xan.

- Dedim, görüm, başının ağrısı kəsibmi də...

- Yatmağa qoysaydın, kəsəckdi.

- Sənin əlində nə çətin işdi ki, indi gedib hər şeyə qaldığın yerdən davam edəcəksən. Reklamlar bitdi, seyrə davam.

Yuxumda gördüyüm naməlum obyekti xatırlayıb diksindim:

- İstəməz, heç davam eləməli yuxu deyildi, həyatdan da bərbad idi, yaxşı ki, oyatdın.

Bacıma verdiyim son cavaba, hətta naməlum obyektin məni yuxuda gözləmək ehtimalına rəğmən, sağollaşan kimi telefonu kənara atıb təzədən yerimə girdim. Yatmaq istəyirdim. Bacım düz deyirdi, mənim hər çıqqıltıya yuxudan oyandığım kimi, başımı yastığa qoyan an yuxuya getmək, bəzən də yarımçıq qalan yuxumu davam etmək kimi bir özəlliyim vardı. Və bu mənim həm real, həm də virtual həyata qarşı ən yaxşı zirehim idi.

Paylaş

REKLAM

Yazarın digər yazıları

Xəbər lenti

Vəfa Fətullayevaya tapılmayan qəbir yeri – 32 illik matəm yazısı
21:00 21 May 2019
Rəsul Rza mükafatı təqdim olundu
18:25 21 May 2019
Varis “Puşkin medalı” ilə təltif olunacaq
17:32 21 May 2019
Bəstəkar Oqtay Kazıminin mahnılarından ibarət konsert olacaq
17:03 21 May 2019
Məşhurlar öz gəncliyi ilə... - Fotolar
16:48 21 May 2019
Onlara 898 min manat məbləğində Prezident mükafatı verilib
16:05 21 May 2019
Milli kinofestival təsis olundu
15:45 21 May 2019
Kventin Tarantino tamaşaçılara məktub yazıb -Mətn
15:11 21 May 2019
Qəşəm Nəcəfzadənin 60 illiyi qeyd olunub
14:22 21 May 2019
Gənc yazar AYB-ni hədələdi: “Əlimdə dəhşətli faktlar var...”
13:45 21 May 2019
Bakıdakı auksionda ən böyük məbləğ bu oldu - Siyahı
13:28 21 May 2019
Orxan Pamukun əsəri Bakıda tamaşaya qoyulub
13:01 21 May 2019
Yuxularda gəzən qızlar - Ramiz Rövşəndən oxumadığınız şeirlər
12:40 21 May 2019
Gənc yazarı AYB-dən qovurlar – Sensasiya
12:19 21 May 2019
Anar Salam Sarvana cavab verdi: “Belə ağıllıdırsa...”
12:04 21 May 2019
Azərbaycan və Türkiyə komikləri bir filmdə
11:47 21 May 2019
“Yazıçılar Birliyi dövlətin ayırdığı pulları havaya sovurur” – Salam Sarvandan qalmaqallı müsahibə
11:32 21 May 2019
Falçının cadu ilə ərə verdiyi biznesmen
11:02 21 May 2019
“Komandir” romanının növbəti təqdimatı olacaq
10:29 21 May 2019
Jurnalisti Kann festivalına buraxmayıblar
10:15 21 May 2019