news-inner
clock18:47 calendar-gray19 Aprel 2019 view-gray308 dəfə oxunub

Ovcunda isit soyuq adamı – Yeni Şeirlər

Kulis.az Bəhruz Xəlilin yeni şeirlərini təqdim edir.

Pəncərədən boylanırdı kölgələr

qarışqalar qənd gəzirdi masamda...

Mən səsimi köçürürdüm telefona

Ki, öləndə şeir deyim yasımda.

Hər tərəfdən tənha qalır yetimlər

Danışmağa bir nəfərin yoxdusa

yaşadığın ömür belə yuxusa...

Bu yuxunun içində də yoxumsan

Hər tərədən tənha qalan yetiməm.

Pəncərədən günəş dolar otağa

sən özünü bağlayarsan yatağa.

Tutunmağa bir nəfərin yoxdusa

nə fərqi var yuxulusan, oyaqsan

nə fərqi var, ölmüsən, ya da sağsan.

Böyümədin, uşağsan ey, uşağsan.

***

Bulanıq su hövzəsidir bulud torpağın üstdə

Yağış amansızcasına dəlir yerin başını.

Əvvəllər su şırıltısı keyidirdi ağrımı

indi isə, indi isə itirmişəm başımı...

Çox güman ki, səndə qalıb fikirlərim gecədən.

Ağacların sinəsində çiçək açır tumurcuq

arıların bayramıdı, sənin bahar dediyin..

Ağrıdıqca əllərimi aparıram başıma

barmağımın ucundadır mənim şəfa dediyim

barmağımın ucundadır sənin tumar dediyin.

Nağıl qoşub danışıram, ötüb, bitib, keçəndən.

Mən beləyəm: - hissə-hissə məhv oluram - gedirəm.

Ayaqlarım bədənimdən ən birinci gedəndir.

Əvvəl-axır dönəcəksən, adım kimi əminəm

ürək deyil sinəmdəki, ürəkdən çox vətəndir.

Əvvəl-axır dönəcəksən-

Gec olacaq, qayıtma!

***

Qapıların üzünə bağlandığını görüncə

səkiləri də qucaqlamaq olur.

Dizlərini də qucaqlamaq olur, şəkilləri də...

Bircə kədəri gizlətmək olmur saxta gülüşlərin arxasında..!

Özünü məcbur edib, üzündən təbəssüm asanda da

görənlərin: "üzün gülür" suallı baxışlarına

"zarafat edirəm" deyə bilmirsən!

Hamını bir-bir itiririk: -

Ata-anamıza növbə gəlincə

gedənlərin heç kim olduğunu anlayırıq.

Bəlkə də allah ilk insanı göz yaşıyla yoğurub deyə

hər gün ağlayırıq..!

Balıq boyda uşaqlar idik, ana bətnindən

çırpınıb düşdük...

Dünyaya əllərimizdən ilişdik, ata, əllərimizdən..!

***

Beynimin bir küncünə

şəkil kimi asdığım...

Nə yaxşı susmaq olur

gözlərinə baxanda.

Gözlərimin içində

sevgi qığılcımları.

Barmağımın ucunda

buz parçası gətirdim

Qollarında gizlənim

bu amansız soyuqdan.

Sən hiss edirsən deyə

mən susuram bayaqdan.

Nəfəs kimi asılım

dodağının ucundan.

Ürək kimi asılım

ürək kimi yaxandan

***

Bir az gecikir adamlar:

bir az -

Hardasa bir ömür.

Bir az gecikir adamlar:

Hardasa sənin kimi.

İndi bir az əşyayam,

indi bir az bədənəm.

Sahibi köçkün düşən

unudulmuş vətənəm.

Nə yaxşı ki, gəlmisən..!

Yığışdır bu dağınıq, bu buz tutmuş adamı

yığışdır. Ovcunda isit soyuq adamı.

news-inner-user
Kulis.az

11470 məqalə

Paylaş

REKLAM

Oxşar xəbərlər

Xəbər lenti

Vəfa Fətullayevaya tapılmayan qəbir yeri – 32 illik matəm yazısı
21:00 21 May 2019
Rəsul Rza mükafatı təqdim olundu
18:25 21 May 2019
Varis “Puşkin medalı” ilə təltif olunacaq
17:32 21 May 2019
Bəstəkar Oqtay Kazıminin mahnılarından ibarət konsert olacaq
17:03 21 May 2019
Məşhurlar öz gəncliyi ilə... - Fotolar
16:48 21 May 2019
Onlara 898 min manat məbləğində Prezident mükafatı verilib
16:05 21 May 2019
Milli kinofestival təsis olundu
15:45 21 May 2019
Kventin Tarantino tamaşaçılara məktub yazıb -Mətn
15:11 21 May 2019
Qəşəm Nəcəfzadənin 60 illiyi qeyd olunub
14:22 21 May 2019
Gənc yazar AYB-ni hədələdi: “Əlimdə dəhşətli faktlar var...”
13:45 21 May 2019
Bakıdakı auksionda ən böyük məbləğ bu oldu - Siyahı
13:28 21 May 2019
Orxan Pamukun əsəri Bakıda tamaşaya qoyulub
13:01 21 May 2019
Yuxularda gəzən qızlar - Ramiz Rövşəndən oxumadığınız şeirlər
12:40 21 May 2019
Gənc yazarı AYB-dən qovurlar – Sensasiya
12:19 21 May 2019
Anar Salam Sarvana cavab verdi: “Belə ağıllıdırsa...”
12:04 21 May 2019
Azərbaycan və Türkiyə komikləri bir filmdə
11:47 21 May 2019
“Yazıçılar Birliyi dövlətin ayırdığı pulları havaya sovurur” – Salam Sarvandan qalmaqallı müsahibə
11:32 21 May 2019
Falçının cadu ilə ərə verdiyi biznesmen
11:02 21 May 2019
“Komandir” romanının növbəti təqdimatı olacaq
10:29 21 May 2019
Jurnalisti Kann festivalına buraxmayıblar
10:15 21 May 2019