Abid Tahirli

Vaxt haqqında ballada

Yumoru sevən Xalq yazıçısı Elçinlə xəyali söhbət, yaxud bütün yollar Romaya, bütün sualların cavabı “yazıram”a aparır

- Salam, Elçin müəllim, necəsiniz?

- Sağ olun, yaxşıyam, imkan düşəndə yazıram.

- Çoxdandır, görünmürsünüz?

- Yazı-pozu işləri ilə bağlı bir az bağda, bir az İstanbulda oldum, vaxt tapanda da yazıram.

- Uşaqlarınız, nəvələriniz necədir?

- Hamısı yaxşıdır. Onlarla vaxt tez keçir, ancaq vaxt tapanda yazıram.

- Bekar vaxtınızda darıxmırsınız?

- Darıxmağa vaxt var ki?! Vaxt olan kimi yazıram.

- Sizin yazmadığınız vaxt olurmu?

- Düzünü desəm, vaxt var ki, yazmayasan? Haradadır o vaxt! Bax, səninlə danışa-danışa da yazıram, yol gedəndə, məclisdə, təyyarədə, gəmidə, hətta yuxuda da, yazıram. Yayın cırhacırında, qışın sazağında, yazın leysanında, payızın ruzgarında - fərq etməz, ilin hər fəslində yazıram.

- Yeni bir əsəriniz varmı?

- Elə bir şey yoxdur. Təzə bir romanım var. Yenicə bir komediyanı bitirdim. İki təzə faciəm, 7-8 hekayəm bar, 3-4 məqalədir, cəmi bir dənə də elmi monoqrafiyam var. Vəssalam.

- Vaxtınızı çox almayım. Sağ olun, Sizə möhkəm cansağlığı, yeni yaradıcılıq uğurları arzulayıram.

- Təşəkkürlər. Ancaq əsas vaxt arzulayın!

• Pozğun homoseksual yox, onun yaşadığı cəmiyyətdir
• İki yeni kitab çap olundu
• Bu gün Gənc Tamaşaçılar Teatrında premyera olacaq