Qismət qızından yazdı – YENİ ŞEİR

 

Kulis.az tanınmış şair Qismət Rüstəmovun “Əlifba” adlı yeni şeirini təqdim edir.

 

Qumruların Dəfnədən dən gözləyən çağında,

Ata-bala gəzişirdik yenə Cavid bağında.

Yerdən göyə bəstələnən fəvvarənin suları,

Yaman məsud eləyirdi Dəfnəni, qumruları.

Düşünürdüm, yaz günəşi təbəssümlə alışır,

Onda gördüm alagözlüm bir qumruyla danışır.

Susub baxdım onlara, aralı gəzdim bir az,

Qumrularla uşaqların sözünü kəsmək olmaz!

Kim deyib ki, quş dilini ancaq Süleyman bilir,

Uşaqlıqda bu lisanı, məncə, hər insan bilir.

 

2018, mart

 

 

LENT

20 İyun 2018
19 İyun 2018
18 İyun 2018
17 İyun 2018
16 İyun 2018
15 İyun 2018
14 İyun 2018