Həbsxanada film nümayiş olunub

Mədəniyyət və Turizm Nazirliyi və Ədliyyə Nazirliyinin Penitensiar Xidmətinin birgə təşkilatçılığı ilə cəzaçəkmə müəssisələrində 31 dekabr – Dünya Azərbaycanlılarının Həmrəylik Günü və Yeni il münasibətilə bir sıra Azərbaycan filmləri təqdim olunub.

 

Mədəniyyət və Turizm Nazirliyindən bildirilib ki, təqdimat mərasimi nazirliyin və Penitensiar Xidmətin nümayəndələri, habelə filmlərin yaradıcı heyətinin üzvlərinin iştirakı ilə reallaşıb.

 

Belə ki, xidmətin Qadın İslah Müəssisəsində “Həddən artıq uyğunluq”, 16 saylı Cəzaçəkmə müəssisəsində “Vəkil hanı?”, 11 saylı Cəzaçəkmə Müəssisəsində isə “Xeyirlə şərin rəqsi” bədii filmləri nümayiş edilib. Hər üç film dövlət sifarişi ilə C.Cabbarlı adına “Azərbaycanfilm” kinostudiyasında ekranlaşdırılıb.

 

Qeyd edək ki, “Həddən artıq uyğunluq” və “Vəkil hanı?” filmlərinin quruluşçu rejissoru Ülviyyə Könül, “Xeyirlə şərin rəqsi” filminin quruluşçu rejissoru isə Yavər Rzayevdir.

 

LENT

21 İyun 2018
20 İyun 2018
19 İyun 2018
18 İyun 2018
17 İyun 2018
16 İyun 2018