Hitlerin mum heykəli nümayiş olunduğu İndoneziyanın Cokyakarta şəhərində yerləşən mum fiqurlar muzeyindən götürülüb.

Kulis.az-ın rus mətbuatına istinadən verdiyi xəbərə görə, bu, hüquq müdafiəçilərinin kütləvi etirazından sonra baş verib.

De Mata Trick Eye Museum-un əməkdaşları son nəfərinə kimi heykəli müdafiə edib, lakin “Simon Vizental Mərkəzi” yəhudi hüquq müdafiəçiləri təşkilatının təzyiqlərinə davam gətirə bilməyiblər.

Mum fürer Osvensim ölüm düşərgəsinin darvazasının qarşısında qoyulmuş, fiqurun altında “Əmək azad edir” sözləri yazılıbmış. Eksponat Darta Veyderin yanında İndoneziya prezidenti Corco Vidodo ilə üzbəüz qoyulmuş, selfi çəkənlər arasında məşhur idi.

Muzey işçiləri üç il ərzində Hitlerin fiquruna görə heç bir narazılığın olmadığını söyləyib. Muzeyin meneceri isə fürerin mum fiqurunun nümayişinin insanları tərbiyələndirmək məqsədi daşıdığını söyləyib.

Human Rights Watch və “Simon Viental Mərkəzi” eksponatı və bütünlükdə sərgini iyrənc və antisemit adlandırıblar. “Onlar adamların sağ girib ölü çıxdığı düşərgənin tarixi ilə əyləniblər” – deyə keşiş Abraam Kuper bəyan edib.

• Rusiyanın Xalq artisti vəfat etdi
• Hacı Şahinin videolarını "YouTube"-dan niyə silirlər?
• Dəbdən düşmüş kişilik, namus və manat - Ən perspektivli valyuta yaltaqlıqdır