news-inner
clock17:30 calendar-gray06 İyun 2017 view-gray61 dəfə oxunub

Qəlbimin pıçıltısı əl uzadır saçlarıma – YENİ ŞEİRLƏR

Kulis.az "Axşam oxusu" layihəsindən Hədiyyə Şəfaqətin yeni şeirlərini təqdim edir.

Bir tutum ot göyərər yıxılıb qaldığım yerdə

Ot göyərər...

Otun gözləri qamaşar günəş işığından

Kirpiklərində bulud göyərər...

Külək göyərər yarpaqlarının taa ucunacan

Köklərində torpaq göyərər...

Sonra bir quanq göyərər otun başı üstündə

Günəş quanqa gülümsər

Külək quanqa gülümsər

Kirpikləri quruyar otun

Bulud torpağın altından quanqın canına keçər

Quanq təzədən budaq-budaq, yarpaq-yarpaq göyərər...

Çay yatağı göyərər quanqın yaxınlığında

Kənd göyərər quanqın yaxınlığında

Dağ göyərər quanqın yaxınlığında...

Quanqın başının üstündə gecə,

Gecənin başının üstündə ay göyərər...

Gümüşü-gümüşü dua göyərər - xışıldaşar quanqın yarpaqları...

Axıb gedən dupduru suların içində

Daşlara toxunar doğulmamış bir körpənin barmaqları...

Sonra...

Sonra...

Sonra kimsə tapa bilməz kim kimdən göyərdi

Yıxılıb qaldığım yerdən...

***

Sərxoş bir kimsəsizliyin gecəsində...

Göy gurultusu

İldırım işığı...

Yağış damcıları çırpınır,

Yağış damcıları parıldayır...

Aynaların sinəsində də...

Qəlbimin pıçıltıları əl uzadır saçlarıma

Başım ana dizinə möhtacdır sərxoş kimsəsizliyin gecəsində...

Onun da xəyalını yaratmışam

Yoxsa sərtdir mənim anam,

Başıma da hələm-hələm sığal çəkməzdi...

Hələm-hələm sevgi duyulmazdı səsində də...

...Kim deyər

Gecə hansıdır, gündüz hansı?

Mənim dediyimdir

Gözlərimi açmağa gərək duymadıqca içimdəki zaman...

Boşluğun azadlığında da,

Doluluğun qəfəsində də...

Qoymadılar xəyallarımıza yetişməyə,

Qoymadılar...

Qaranlıq dünyaya çəkdilər bizi,

dartındıq, çıxdıq əllərindən

Sərxoş ola bildikcə...

Ölmək istədik hər dəfəsində də...

Bacarmadıq....

***

...Eşq şərqiləri

İlahi,

Eşq şərqiləri harda bəstələnir dolur qəlbimizə,

Biz onları yoxluqdanmı yaratdıq?...

Niyə tuta bilmirik getmiş əllərin yaddaşını əllərimizdə,

Onlar

Necə də həsrət rəsmlərinə bənzərdi...

Görəsən

Hansı canı hansı candan qopartdıq...

Küləyin

Susmayan uğultusu

Qürubun sirli cazibəsini titrədir içimizdə

Səslərin yaralarını sarır....

Bir anda coşan tufan kimidir bu,

Hər şeyi,

Hər şeyi

Kökündən qoparıb aparır...

Yolu tut,

Yolu tut ayaqlarının altında,

Gözlərində

Nə olursa olsun yetişmək istədiyin mənzili, ey qərib...

Səni

Kimsə unudub getməyib bu dünyada,

Sevgili, kədərlənmə,

Səni eşq

Yalnız eşq

Uzaqlara göndərir...

news-inner-user
Hədiyyə Şəfaqət

19 məqalə

Paylaş

REKLAM

Oxşar xəbərlər

Xəbər lenti

Vəfa Fətullayevaya tapılmayan qəbir yeri – 32 illik matəm yazısı
21:00 21 May 2019
Rəsul Rza mükafatı təqdim olundu
18:25 21 May 2019
Varis “Puşkin medalı” ilə təltif olunacaq
17:32 21 May 2019
Bəstəkar Oqtay Kazıminin mahnılarından ibarət konsert olacaq
17:03 21 May 2019
Məşhurlar öz gəncliyi ilə... - Fotolar
16:48 21 May 2019
Onlara 898 min manat məbləğində Prezident mükafatı verilib
16:05 21 May 2019
Milli kinofestival təsis olundu
15:45 21 May 2019
Kventin Tarantino tamaşaçılara məktub yazıb -Mətn
15:11 21 May 2019
Qəşəm Nəcəfzadənin 60 illiyi qeyd olunub
14:22 21 May 2019
Gənc yazar AYB-ni hədələdi: “Əlimdə dəhşətli faktlar var...”
13:45 21 May 2019
Bakıdakı auksionda ən böyük məbləğ bu oldu - Siyahı
13:28 21 May 2019
Orxan Pamukun əsəri Bakıda tamaşaya qoyulub
13:01 21 May 2019
Yuxularda gəzən qızlar - Ramiz Rövşəndən oxumadığınız şeirlər
12:40 21 May 2019
Gənc yazarı AYB-dən qovurlar – Sensasiya
12:19 21 May 2019
Anar Salam Sarvana cavab verdi: “Belə ağıllıdırsa...”
12:04 21 May 2019
Azərbaycan və Türkiyə komikləri bir filmdə
11:47 21 May 2019
“Yazıçılar Birliyi dövlətin ayırdığı pulları havaya sovurur” – Salam Sarvandan qalmaqallı müsahibə
11:32 21 May 2019
Falçının cadu ilə ərə verdiyi biznesmen
11:02 21 May 2019
“Komandir” romanının növbəti təqdimatı olacaq
10:29 21 May 2019
Jurnalisti Kann festivalına buraxmayıblar
10:15 21 May 2019