Ey həyat, sən nə qəribəsən?… - “Unudulmaz mahnılar”

 

Yaddaşımızda yüzlərlə mahnının hər biri bir xatirə ilə kodlanıb.

Mahnını eşitmək xatirələri oyadır.

O mahnılar var olduqca o xatirələri yaşadacaq.

Mahnılar, unutmur, unutdurmur.

Mahnılar unudulmazdır.

 

Kulis.Az “Unudulmaz mahnılar” layihəsini təqdim edir.

 

Cabir Novruzun sözlərinə Oqtay Kazıminin bəstələdiyi “Ey həyat, sən nə qəribəsən?” mahnısını “Qaya” vokal ansamblının ifasında təqdim edirik.

 

Sözləri

 

Nə yaxın qonşu olduq bu dünyada,

Ayrı-ayrı doğulduq bu dünyada,

Axır gəlib bir olduq bu dünyada,

Ey həyat, sən nə qəribəsən?…

 

Sən ay kimi baxdın mənə,

Sən gün kimi baxdın mənə,

Gözlərinin qarasıyla

Güldü ömrün baxtı mənə…

 

Aylar keçir, illər keçir, axın olur,

Yadlar gəlir doğma olur, yaxın olur.

Məhəbbətlə ötən ömür nağıl olur,

Ey həyat, sən nə qəribəsən?

 

Bu ilqarı yaşatdıq canımızda

Gənclik eşqi qaynadı qanımızda

Qohum oldu atamız anamızda

Ey həyat, sən nə qəribəsən?

 

Sən ay kimi baxdın mənə,

Sən gün kimi baxdın mənə,

Gözlərinin qarasıyla

Güldü ömrün baxtı mənə…

 

Aylar keçir, illər keçir, axın olur,

Yadlar gəlir doğma olur, yaxın olur.

Məhəbbətlə ötən ömür nağıl olur,

Ey həyat, sən nə qəribəsən?

LENT

23 May 2017
22 May 2017
21 May 2017
20 May 2017
19 May 2017
18 May 2017