Sovet İttifaqı Qəhrəmanı Nəcəfqulu Rəfiyev - DOĞMA VƏ YAD KÜÇƏLƏR

Bəzən hər gün eyni küçə adını eşidirik, deyirik, hətta yazırıq.

Amma fərqinə varmırıq.

Kimdi bu adam?

Adını küçə verilibsə demək xidmətləri var.

Yaddaşlarda yaşamağa layiq olub.

Adı əbədiləşib, düzdü.

Xatirəsi əbədiləşibmi bəs?

Tanıyırıqmı onu?

 

Kulis.Az-ın “Doğma və yad küçələr” layihəsində Bakı şəhərində olan tanımadığımız küçə adlarından bəhs olunacaq.

 

Növbəti küçəmiz Nəcəfqulu Rəfiyev küçəsidir... Bu küçə Xətai rayonunda yerləşir, Bakının iki böyük prospektini birləşdirir: Nobel və Babək! Küçədə strateji əhəmiyyətli binalar yerləşir. O cümlədən, Kulis.az saytının da daxil olduğu APA Holding də bu küçədə yerləşir.    

 

Bəs bu küçəyə adı verilən Nəcəfqulu Rəfiyev kimdir?

 

O, Sovet İttifaqı Qəhrəmanıdır.

 

1915-ci il martın 22-də Ordubad şəhərində anadan olub.

 

1935-ci ildə Sovet Ordusuna çağırılıb və əsgərliyinin ikinci ilindən ali hərbi məktəbdə təhsil almağa başlayıb.

 

Faşist Almaniyasının SSRİ-yə hücum etməsindən 4 gün sonra sürücü-mexanik, tank komandiri, tank vzvodunun komandiri kimi Cənub-Qərb, Şimali Qafqaz, 1-ci Belorusiya cəbhələrində alman faşist işğalçılarına qarşı vuruşmalarda iştirak edib.

 

Image result for nəcəfqulu rəfiyev

 

1944-cü ilin yayında Minsk şəhəri yaxınlığında gedən vuruşmalarda, Baronoviçi şəhərinin azad edilməsində qəhrəmanlıq göstərib.

 

SSRİ Ali Soveti Rəyasət Heyətinin 1944-cü il 9 sentyabr tarixli fərmanı ilə Sovet İttifaqı Qəhrəmanı adına layiq görülüb.

 

Müharibədən sonra müxtəlif hərbi hissələrdə qulluq edib.

 

1955-1959-cu illərdə Lənkəran hərbi komissarlığında şöbə rəisi, Culfa rayon hərbi komissarı işləyib.

 

1959-cu ildə ordudan tərxis olunub, Azərbaycan SSR avtomobil nəqliyyatı sistemində əmək fəaliyyətini davam etdirib.

 

1970-ci il dekabrın 24-də vəfat edib.

 

N.R.Rəfiyevin adı hələ sağlığında əbədiləşdirilib.

 

Vətəni Ordubadda adına küçə, Ordubadda zavod, Babək rayonunda sovxoz, texnikum və s. olub,

 

Ordubad şəhərində büstü qoyulub.

 

LENT

26 Mart 2017
25 Mart 2017
24 Mart 2017
23 Mart 2017
21 Mart 2017
20 Mart 2017
19 Mart 2017
18 Mart 2017
17 Mart 2017
16 Mart 2017
15 Mart 2017
14 Mart 2017