Gəl qızışaq bir az

Fidan Nadir

 

Gəl oturaq çay içək,

İsti olsun qoy bir az.

Aradakı soyuqluq,

Bəlkə bir az qızışar.

Çox demirəm hərdən-bir,

çayı bəhanə edib,

Eyni yerdə tapışaq.

Göz-gözə gələk tez-tez,

Uzun-uzun baxışaq...

Hərdən gözünü qaçır,

Utancaqlıq yayılsın,

O al yanaqlarına..

Bir çay bəhanəsi ilə,

Tez-tez gələk yan-yana.

Baxışmaqdan soyudaq,

Süfrədəki çayları...

Gəl yaddan çıxaraq biz,

Evə gedən yolları...

Gəl oturaq çay içək,

İsti olsun qoy bir az.

Aradakı soyuqluq,

Bəlkə bir az qızışar...

LENT

17 Dekabr 2017
16 Dekabr 2017
15 Dekabr 2017
14 Dekabr 2017
13 Dekabr 2017